Terminareto pri ventolado en konstruaĵoj (provizora)

esperante La nuna versio de la terminaro estas daŭre provizora. Notu ke «v2002» signifas «la versio de februaro 2002».

esperante Komentoj de Jan Werner (de 19-6-2002) kaj la respondoj de la aŭtoro Fabien:

• la numerigo de la terminoj en v2002 estas ne-kutima. Prefere ĉiu termino havas propran numeron, nur foje kun dekuma subdivido. (Fabien, 22-6-2003: tion mi povas facile ŝanĝi, ĉar miaj programetoj jam enhavis eblon por simpla numerigo de terminoj, pro tio ke mi faris ilin ankaŭ por la terminaro pri betono.)
• la hierarkio de nocioj ne estas ĉiam logika: ekz. ne eblas «specoj de aero» sub «ventolado». (Fabien, 22-6-2003: Mi konsentas kaj korektos. Mi kredas ke en v2002 mi pensis tro ofte asociigeme kaj tro malofte pensis pri genra logiko.)
• Ebla strukturo laŭ Werner: Genraj rilatoj: Aero --- specoj. Aermoviĝo --- specoj. Ventolado --- specoj (laŭ celo, loko, aereniro, aereliro, ena aermoviĝo) - kun natura progresado de aero (infiltrado), memevolua natura aerumado, ŝakta ventolado gravita, ventolado kun trudata movigo de aero, klimatizado. Asociecaj rilatoj: Ventoliloj (ventolaj aparatoj). Aerduktoj plus akcesoraĵo. Orificoj. En tiuj subgrupoj povus aperi ankaŭ la rilato parto-tuta (parteca laux TG), ekz. ĉe priskribo de ĉefaj partoj de klimatiza sistemo (aparataro) - filtroj - varmigiloj kaj fridigiloj de aero, humidigiloj.
• distingu inter la nocioj aerumi, ventoli, klimatizi. (Fabien, 25-6-2003: vidu artikolojn 3, 17 kaj respektive 4.)

esperante Ceteraj komentoj de la aŭtoro:

• aldonoj kaj novaĵoj (sed ne la restrukturigo) kompare al v2002 estas indikataj per teksto en alia koloro.
• ekzistas finstuda tezo de Eric Bouten el TUE/1995, kiu ŝajne klasifikis klimatizajn sistemojn. Mi komparos mian terminaron kun lia klasifiko.
• la demandosignoj kaj demandoj ankorau restis. Mi ankoraŭ devos pripensi iliajn solviĝojn.